Të enjten në rend dite votimi i 13 marrëveshjeve ndërkombëtare, VV-ja kërkon përkrahje nga opozita

Shefja e Grupit parlamentar të Lëvizjes Vetëvendosje, Mimoza Kusari-Lila, pas mbledhjes së kryesisë ka thënë se të enjten do të mbahet seanca e re plenare në të cilën janë paraparë që të votohen 13 marrëveshje ndërkombëtare.

Ajo ka thënë se presin që ditëve në vijim të bashkëpunojnë me LDK-në e AAK-në që pjesa me e madhe e këtyre marrëveshjeve të kalohen.

“Është caktuar seancë e rregullt plenare për të enjten, këtë herë janë 13 marrëveshje ndërkombëtare, mbesim me shpresë që ditëve në vijim të kemi bashkëpunim të dy subjekteve politike që të jenë pjesëmarrës që pjesë me të madhe të marrëveshje t’i miratojmë”, ka thënë ajo.