Një incident ka ndodhur mbrëmjen e së dielës në Klinë.
Si rezultat i një konflikti mes disa personave, katër persona janë plagosur, dy prej tyre nga arma e zjarrit.
Sipas informacioneve viktimat janë vëllezër.
Lidhur me rastin detaje ka dhënë edhe Prokuroria e Pejës, përmes zëdhënësit Shkodran Nikçi.
Nikçi tha se dy personat e dyshuar lidhur me rastin janë arrestuar dhe ndaluar për 48 orë.
“Lidhur me këtë çështje dyshohet se ka pasur të shtëna me armë zjarri ku në vendin e ngjarjes ka dal Policia e Kosovës, ku në vendin e ngjarjes ka dal menjëherë Policia e Kosovës ku ka hasur në njërën nga viktimat. Ku më pas në spitalin Rajonal të Pjesë kanë kërkuar ndihmë mjekësore dhe janë duke u trajtuar edhe tre persona të tjerë, ndërkaq personat e dyshuar janë larguar nga vendi i ngjarjes. Pas një punë operative policore intensive janë lokalizuar dy personat e dyshuar dhe më pas janë arrestuar dhe të njëjtit pas intervistimit nga hetuesit në praninë e avokatëve mbrojtës me urdhër të prokurorit të shteti janë ndaluar për 48 orë dhe brenda afatit ligjor prokurori i shtetit do të parashtroj kërkesë për caktimin e masës së paraburgimit”, tha ai.
Tutje, ai tha se nuk ka informacione mbi dyshimet që mund të kenë çuar deri tek kjo ngjarje.
“Është fazë shumë e hershme për të folur për dyshimet. Ajo çka është relevante është se dy persona i kemi në procedurë penale dhe njëkohësisht janë duke u trajtuar viktimat dhe ku me pas do të intervistohen, do të intervistohen edhe personat e mundshme të tjerë që mund të kenë informata dhe gjithashtu do të sigurohen provat që do të shërbejnë në procedurë penale”, ka thënë ai
