Taylor Swift dhe i fejuari i saj, ylli i NFL-së Travis Kelce, janë gati të shënojnë një kapitull të ri në jetën e tyre dhe jo vetëm në dashuri.
Vetëm pak ditë pas shpalljes së fejesës, 35-vjeçari i Kansas City Chiefs raportohet se është në bisedime për një serial televiziv me producentin e “Curb Your Enthusiasm”, Jeff Shaffer.
Travis pritet të luajë veten në një format komedie të ngjashëm me hitin e Larry David, duke bërë hapin e parë serioz në aktrim, shkruan DailyMail.
Ky projekt vjen pas rolit të tij cameo në “Happy Gilmore 2”, si dhe pas suksesit të madh të podkastit “New Heights”, që nënshkroi një marrëveshje 100 milionë dollarëshe (afërsisht 92 milionë euro) me Amazon.
Kelce ka ndërtuar tashmë një portofol të pasur në botën e reklamave dhe modës, ndërsa së shpejti do të shfaqet edhe në filmin aksion-komedi “Loose Cannons” të Lionsgate.
Sa i përket lidhjes me Taylor, Travis e sheh si një balancë të përsosur: “Unë jam një fans i muzikës dhe artit dhe është e pabesueshme që mund ta përjetoj këtë nga afër. Kam të njëjtën ndjesi sa herë që ajo vjen në ndeshjet e mia”, është shprehur ai.
Me fejesën që ka bërë bujë në mbarë botën dhe planet e reja televizive, duket se viti 2025 do të jetë një vit i artë për çiftin më të komentuar të momentit. /Telegrafi/
