Politologu Agon Maliqi ka komentuar veprimin e administratës Trump për t`i vendosur “tarifa reciproke” tregtare për të gjitha shtetet e botës.
Ai ka bërë me dije se nga ky veprim preket edhe Republika e Kosovës.
Në profilin e tij në “Facebook”, Maliqi ka treguar se Kosova për në ShBA eksporton dyshek.
“Administrata Trump sapo vendosi “tarifa reciproke” tregtare për të gjitha shtetet e botës – një zotim kyç elektoral i Trump. Duke qenë se edhe Kosova vitet e fundit ka filluar të eksportojë në ShBA (sidomos dyshekë), prekemi edhe ne dhe vendet e rajonit (Serbia i ka rreth $700 milionë në vit). Ndërkohë që tarifat më të larta janë vendosur për vendet e Azisë, këto janë përqindjet e tarifave të vendosura për shtetet apo blloqet ekonomike në Evropë”, ka shkruar Maliqi.
