Shefi i grupit parlamentar të PDK-së, Abelard tahiri për arratisjet e personave të dënuar kohëve të fundit.
Në një postim në Facebook, Tahiri ka thënë se këto ngjarje veçse rikonfirmojnë degradimin dhe mjerimin e madh të institucionve të sigurisë.
“Vetëm brenda një periudhe të shkurtër ndodhën tri arratisje të personave të dënuar për vrasje të rënda. Këto ngjarje e rikonfirmojnë degradimin dhe mjerimin e madh të institucioneve të sigurisë”, ka shkruar Tahiri në Facebook.
Gjatë ditës së sotme është konfirmuar arratisja e Marko Roshiq, i dënuar për rastin e vrasjes së Oliver Ivanoviqit. Madje, Gjykata Themelore e Prishtinës ka lëshuar edhe urdhërarrest për të.
“Referuar kërkesës tuaj për informata, ju njoftojmë se Gjykata Themelore në Prishtinë – Departamenti Special, me rastin e shpalljes së aktgjykimit ka caktuar edhe masën e paraburgimit për të akuzuarin M.R. Me të caktuar masën e paraburgimit, menjëherë është lëshuar aktvendimi për caktimin e masës së paraburgimit dhe i është dërguar Stacionit Policor në Veri për ekzekutim. Nga Stacioni Policor në Veri, gjykata është njoftuar se ka ndërmarr veprime për ekzekutimin e aktvendimit të gjykatës, mirëpo i akuzuari nuk është gjendur në adresën e banimit, andaj Gjykata Themelore në Prishtinë ka ndërmarrë të gjitha veprimet sipas ligjit, duke lëshuar urdhër-arrest për arrestimin e të akuzuarit M.R. dhe dërgimin e tij në qendrën e paraburgimit”, thuhet në përgjigjen e Gjykatës dhënë për Reporteri.net.
Poashtu, ditë më parë nga burgu për të nëntën herë u arratis edhe i burgosuri Faton Hajrizi, i cili më pas në një video të publikuar në TikTok tha se një gjë të tillë e kishte bërë pasi në burg ishte keqtrajtuar.
Gjithashtu, i arratisur mbetet edhe Enver Sekiraqa, i dënuar për nxitje të vrasjes së policit Triumf Riza.
