- Advertisement -
Shefi i Grupit Parlamentar të AAK-së, Besnik Tahiri, nuk ka përjashtuar zgjedhjet e reja, pas situatës ku deputetët e Listës Serbe kanë dorëzuar mandatet e tyre.
Tahiri tha se situatën pas dorëheqjes së 10 deputetëve serbë duhet ta interpretojë Gjykata Kushtetuese, duke mos përjashtuar zgjedhjet si zgjidhje.
“Parlamenti nuk do të ketë më 120 deputetë dhe do të kemi një vakum, të cilin duhet ta interpretojë Kushtetuta, ajo që po shohin është se ndoshta çështja është ndërlikuar që ndoshta zgjedhjet do të ishin zgjidhje”, tha Tahiri para mediave, pas mbledhjes së Kryesisë së Kuvendit.
