Deputeti i PDK-së, Abelard Tahiri, ka kritikuar qeverinë e Kosovës lidhur me shtrenjtimin e çmimit të energjisë elektrike. Tha se çdo muaj KEDS po përfiton 30 milionë euro bakshish.
“Ne kemi paguar dyfish të energjisë elektrike, kemi paguar edhe përmes buxhetit përmes taksave tona dhe në anën tjetër import s’ka pasur”, thotë Tahiri në emisionin Pressing në T7.
“Këto janë të dhëna që unë po pres në vazhdimësi me u demantu. Urdhëroni e demantoni e thuaj që është e pavërtetë edhe unë po tërhiqem prej krejt, edhe prej Komisionit Hetimor. Ju kam thënë këto fjalë: Nëse ju më demantoni me këto të dhëna unë kam me u tërheq dhe kam me u kërkuar falje për kohën që u kam marrë”, shtoi ai.
“Ne sot KEDS’it po ja japim 30 milionë euro në muaj bakshish”, tha Tahiri.
