- Advertisement -
Tahir Lushtaku nuk është më trajner i Trepçës, ekip që bën gara në Ligën e Parë të Kosovës në futboll.
Lushtaku, të hënën ka dhënë dorëheqje nga posti i trajnerit, në të cilin u angazhua në nëntor të vitit të shkuar.
Lushtaku ka falënderuar klubin për besimin, si dhe futbollistët për angazhimin, duke shtuar se vendimin për largim e ka marrë në mënyrë të qetë dhe profesionale.
Largimi i Lushtakut nga Trepça vjen pas dy humbjeve rresht në Ligën e Parë, të cilat kanë bërë që Trepça të mbetet në pozitën e tetë në tabelë me 30 pikë pas 21 ndeshjeve të luajtura.
Lushtaku në postin e trajnerit te Trepça, e pati zëvendësuar Emin Baliqin.
