Linja e orëve inteligjente TAG Heuer Connected Caliber E4 u njoftua vitin e kaluar dhe tani kompania po prezanton tri shtesa të reja në familje.
Siç mund të pritej, të gjitha janë mjaft të shtrenjta, me opsionin 42mm që është më i liri, me çmim 2,166 euro (2,350 dollarë).
Ora me madhësi 42mm është më e vogël se origjinali, por përdor një ekran 1.28 inç me një panel praktikisht pa korniza të mbrojtur nga një xhami kube safiri. Megjithatë, është ende një OLED, me rezolucion 416 x 416px.
Trupi është bërë nga një shasi titani i klasës 2 të veshur me të zezë, duke e bërë atë orën inteligjente më të lehtë në peshë të prodhuar nga kompania në fjalë, raporton GSM Arena, transmeton Telegrafi.
Edicioni Golf 42 mm, nga ana tjetër, përmban të njëjtin trup, por është gjithashtu më i shtrenjtë, me çmim prej 2,304 eurove (2,500 dollarë).
Caliber E4 Sports Edition është më i shtrenjti i grupit, duke kërkuar 2600 dollarë, por është gjithashtu më i madhi. Është në një faktor forme me madhësi 45mm, ashtu si modelet aktuale Connected Caliber E4, me një kornizë qeramike rreth ekranit OLED 1,39 inç 454 x 454px dhe një rrip gome që është i përshtatshëm për sporte.
Nga ana e softuerit, versioni Sport ofron veçori Trail & Hiking, duke shfrytëzuar barometrin e orës dhe duke vlerësuar performancën e dikujt.
TAG Heuer do t’i vërë në dispozicion të tre modelet më vonë këtë muaj dhe premton t’i përditësojë ato në Wear OS 3, sapo Google të fillojë të instaloj softuerin e ri.
