Sydney Sweeney dhe i fejuari i saj, Jonathan Davino, u shfaqën të premten e kaluar në një shëtitje të rastësishme me miqtë e tyre pranë rezidencës luksoze të Sydney në Florida Keys.
Në këtë rast, Sweeney shëtiste me një malamute Alaskan, në vend të qenit të saj, Tank. Ajo ishte veshur thjesht, me syze dielli të mëdha, pulovër kafe, pantallona të shkurtra dhe atlete të zeza.
Pak ditë më vonë, Sydney prezantoi një fushatë të re për Giorgio Armani, duke promovuar koleksionin “Luminous Silk” të markës së njohur të kozmetikës luksoze, shkruan DailyMail.
Sweeney, ambasadore globale e markës, e shoqëroi fushatën me një postim në rrjetet sociale, duke theksuar shkëlqimin natyral dhe përfundimin e lehtë të produkteve.
Përveç karrierës së saj në aktrim, Sweeney është një ndikuese e suksesshme, duke bashkëpunuar me marka të njohura si Samsung, Dr. Squatch dhe LANEIGE.
Pas përfundimit të xhirimeve për rolin e boksiere Christy Martin në një film biografik, Sweeney ka shprehur se kjo ka qenë një nga përvojat më transformuese të jetës së saj.
Ajo ka ndarë me fansat se ka punuar shumë për të arritur fizikun e duhur për këtë rol dhe është krenare për këtë projekt, që do të tregojë një histori të fuqishme dhe frymëzuese. /Telegrafi/
