Ajo theksoi se këto pohime janë të rreme dhe se në fakt, shumë gra në industrinë e showbiz-it po shkatërrojnë dhe diskreditojnë talentet më të reja femërore.
Sweeney, e njohur për rolet e saj të spikatura në “Euphoria” dhe “The White Lotus”, shprehu shqetësimin se përpjekjet për të “ngritur njëra-tjetrën” janë më shumë një fasadë, sesa një realitet, skhruan DailyMail.
Në një intervistë të fundit, 27-vjeçarja, që ka arritur një sukses të jashtëzakonshëm në karrierën e saj dhe ka luajtur gjithashtu si producente ekzekutive në filmin “Anyone But You”, shprehu indinjatën për fenomenin e “grave të suksesshme” që, sipas saj, shpërndajnë kritika dhe përpiqen të sabotojnë gratë më të reja që po punojnë për të arritur ëndrrat e tyre.
Ajo e përshkruan këtë si një praktikë të dëmshme, duke theksuar se shumë gra që janë në pozita të larta në industrinë e showbiz-it shpesh tentojnë të zvogëlojnë punën dhe mundësitë e atyre që po përpiqen të depërtojnë.
“Shtëpia e gjithë kësaj industrie është të flasësh për ‘gratë që fuqizojnë gratë e tjera’, por asgjë nga këto nuk po ndodh”, tha Sydney.
“E gjithë kjo është një fasadë, dhe është një maskaradë për të fshehur të vërtetën që thuhet pas shpinës”.
Në vazhdim, ajo theksoi se ky fenomen i konkurencës dhe përpjekjeve për të rrëzuar njëra-tjetrën është thelbësor për të kuptuar strukturën e industrisë. Ajo shpjegoi se për shumë gra, ideja që vetëm një mund të jetë në majë është një ide që lidhet me një mentalitet të vjetër, të nxitur nga konkurrenca mes grave.
“Ne jemi rritur me besimin se ka vetëm një grua që mund të arrijë kulmin, dhe se të tjerat duhet të luftojnë për të mbajtur pozitat,” shtoi Sweeney. “Kjo është një problem brezash, një mendësi që na thotë se ka një grua që mund ta marrë burrin, ose që mund të jetë gjithçka që duam të jemi, dhe të tjerat duhet të luftojnë për të arritur atje”.
Pavarësisht kritikave të saj ndaj industrisë, Sweeney shprehu gjithashtu dëshirën për të ndryshuar këtë mentalitet dhe për të gjetur një rrugë ku gratë mund të mbështesin njëra-tjetrën, në vend që të shkatërrojnë mundësitë e njëra-tjetrës.
“Unë ende po mundohem ta kuptoj, po përpiqem më të mirën. Pse po sulmohem kur po përpiqem të bëj atë që dua?”
Në anën tjetër, projekti i ardhshëm i Sweeney përfshin një version të ri të “Barbarella”, një film kult me Jane Fonda, i cili ishte një sukses në vitin 1968.
Sydney do të luajë në këtë përshtatje moderne të filmit të famshëm, i cili filloi si një strip komik francez dhe më pas u shndërrua në një film fantastiko-shkencor.
Kjo do të jetë një mundësi tjetër për të shfaqur aftësitë e saj të aktrimit dhe për të sjellë një interpretim të ri në një nga karakteret më ikonikë të kinemasë.
