Sveçla viziton ‘policët e vegjël’: Kënaqësi kur shoh fëmijë nga të gjitha komunitetet në rolin e oficerëve

Ministri i Punëve të Brendshme, Xhelal Sveçla në kuadër të një fushate, ka vizituar disa fëmijë të cilët kanë veshur uniformat e Policisë së Kosovës.

“Kënaqësi kur shoh fëmijë nga të gjitha komunitetet me uniforma policie duke marrë rolin e oficerëve të patrullës dhe duke edukuar qytetarët për sigurinë në trafik përpara fillimit të vitit shkollor”, ka shkruar Sveçla në X.

Po ashtu ai ka vlerësuar përkushtimin dhe pasionin e tyre ‘për një komunitet më të sigurt për të gjithë’.