Ministri i Punnëve të Brendshme, Xhelal Sveçla, është lajmëruar sot nga veriu i kosovës ku edhe ka vizituar zyrtarët e Policisë së Kosovës në atë pjesë të vendit.
Në profilin e tij zyrtar, Sveçla ka shkruar se vendosmëria e policëve përbën një nga garancitë e Republikës së Kosovës. Sveçla ka thënë se po synohet bashkarisht që Kosova të jetë shembull i demokracisë ku rendi e ligji i vendos qytetarët në liri dhe barazi pa dallim.
Kreu i MPB është shfaqur mjaft entuziast pas kësaj vizite në veri, duket hënë se vendosmëria e zyrtaëve policorë ia ka shtuar edhe më shumë bindjen dhe energjinë për “projektin tonë të shtetimit”
Sipas Sveçlës, Policia sot është institucioni më i denjë i këtij projekti.
“Vizitova zyrtarët e Policisë së Kosovës në veri të Republikës së Kosovës. I falenderuam për punën, përkushtimin dhe korrektësinë. Vendosmëria e trupës së policisë përbën një nga garancitë e Republikës. Ne e synojmë bashkarisht Kosovën si shembull të demokracisë, ku rendi e ligji i vendos qytetarët në liri e barabazi pa dallim. Policia është e Republikës sepse të gjithë qytetarët janë të Republikës.
Vendosmëria e zyrtarëve policorë na e shtoi edhe më shumë bindjen dhe energjinë për projektin tonë të shtetimit. Policia sot është institucioni më i denjë i këtij projekti. Vazhdojmë!”, ka shkruar Sveçla.
