Edicioni special “dimëror” i SUV-it më luksoz është vepër e Bespoke Collective, e është inspiruar nga ngjyrat dhe peizazhet e atmosferës dimërore në Evropë.
Kështu edhe është i kufizuar sa i përket numrit të veturave për shitje – që do të shpërndahen tek blerësit potencial ekskluzivisht në Evropë, transmeton Telegrafi.
E derisa shumica e vendeve evropiane janë goditur nga temperaturat e ulëta këto ditë, Rolls-Royce Motor Cars ka prezantuar veprën më të re “kushtuar magjisë dhe madhështisë së sezonit të borës dhe akullit”.
I quajtur “liqeni i ngrirë”, kjo veturë do të ofrohet në treg me disa njësi të kufizuara të SUV-it super luksoz Cullinan.
Për këtë model, një ekip i dizajnerëve, ixhinierëve dhe punëtorë të fusha të ndryshme nga Rolls-Royce Bespoke Collvective, menduan të sjellin diçka me motive dimërore siç janë liqenet e ngrira në Kontinentin e Vjetër.
Brendësia e veturë është e “veshur” me ngjyrë të bardhë arktike me nuanca të kaltrës së lehtë. Pjesët e drurit janë lyer në atë formë që të imitojnë çarjet e akullit.
Nën kapak gjendet motori 6,7 litërsh V12 që prodhon 563 kuaj-fuqi. E siç kanë bërë të ditur nga fabrika, ky Cullinan është prodhuar që të kënaqeni gjatë ngasjes në kushte ekstreme dhe terren të ndryshme.
