Uljen në pozitë që ia bëri vetes ndoshta për dikë është e palogjikshme, mirëpo dikush “e gjuajti gurin larg”.
Alban Uka, ka disa javë që ka kërkuar të dorëhiqet nga pozita e Drejtorit të Administratës në komunën e Leposaviqit, raporton Kiks Kosova.
Mirëpo, ky i fundit që vjen nga radhët e Lëvizjes Vetëvendosje, ende pa dhënë dorëheqje zyrtare aty e fitoi një pozitë të re, atë të Udhëheqësit të Sektorit për Shërbime me Qytetarë.
Si duket, Uka me pozitat nëpër institucione publike ka luajtur ping-pong, duke lëvizur sa te njëra, sa te tjetra, derisa ka arritur të marrë detyrë të shërbyesit civil.
Fillimisht Uka gëzonte pozitën e këshilltarit të ministrit të Administrimit të Pushtetit Lokal, Elbert Krasniqi, duke kaluar në pozitën e drejtorit të Administratës në komunën e Leposaviqit, e se fundmi në shërbyes civil në këtë komunë.
E këto lëvizjeve nëpër pozita shtetërore e komunale duket se i ka menduar goxha mirë.
“Erën” ndaj ndryshimit të udhëheqjes komunale, shkaku i zgjedhjeve lokale të cilat pritet të mbahen në tetor të këtij viti dhe shanseve që të mos jetë më drejtor, e ka ndjerë nga larg.
Prandaj për të, e rëndësishme është që vendin e punës në komunë do ta ketë edhe për 4 vjet të tjera edhe nëse ndërrohet struktura politike.
Por, cila do të jetë puna e ish-drejtorit të Administratës, Alban Uka që do ta kryejë në pozitën e re?
Detajet i mësoni në kronikën më poshtë:
