Xhiroja 15-të në Superligën e Kosovës në futboll nis sot me ndeshjen Prishtina e Re – Prishtina, një përballje që përveç se ndeshen dy ekipet me emrin e njëjtë të përbashkët kanë edhe të rejat e fundit. Të dyja ekipet paraqiten me trajnerë të ri.
Te Prishtina e Re, Shpëtim Babaj dha dorëheqje duke e lënë ekipin të fundit në tabelë me 11 pikë, ndërsa në vend të tij erdhi Qëndrim Kida, që së fundit udhëhoqi Suharekën e Malishevën.
Situatë pothuajse të njëjtë pati edhe lideria e ligës Prishtina e cila megjithëse në vend të parë, e shkarkoi Arsim Thaqin, për ta rikthyer Afrim Tovërlanin. Ky i fundit udhëhoqi klubin 11 vjet më parë ndërsa në vitet e fundit ka qenë selektor i Kosovës U21. Kjo ndeshje nis në ora 13:00
Pa fitore në xhiron e fundit janë edhe dy ekipet tjera që luajnë sot (e shtunë) nga ora 13:00, Drenica – Gjilani.
Të dielën luhet kryendeshja e kësaj xhiroje ndërmjet Dritës e Ballkanit.
Drita pas paraqitjes ndaj Shkëndijës në Evropë, kthehet në ligë përballë ekipit nga Suhareka që paraqitet me trajnerin e ri, kroatin Mislav Karoglan.
Llapi – Dukagjini dhe Ferizaj – Malisheva janë dy ndeshjet e tjera të së dielës, në terminin e zakonshëm nga ora 13:00.
