Sipas Policisë së Kosovës, deri më tani janë arrestuar dhe burgosur 8 persona kur kanë kaluar rreth dy ditë nga sulmi terrorist në veri të Kosovës nga një formacion prej rreth 30 pjesëtarësh.

Së fundi, Klan Kosova ka aportuar se të arrestuar janë 9, dhe nga ky numër, vetëm 3 vazhdojnë të mbesin nën masën e arrestit.

Prokurori Afrim Shefkiu ka treguar se katër personat që u arrestuan të dielën pas kontrollit që i ishte bërë një veture derisa aksioni policor për neutralizimin e grupit terrorist po vazhdonte, janë liruar.

Në veturën e tyre ishin gjetur radiolidhje, por që sipas Prokurorit, nuk është arritur të konfirmohet ndërlidhja e këtyre katër personave me grupin terrorist.

Më tutje, mediumui ka raportuar se janë liruar edhe dy të ndaluarit e mbrëmshëm, punëtorë të një hoteli afër Banjskës. Lirimi i tyre ka ardhur pas intervistimit nga prokurori i Prokurorisë Speciale të Kosovës, pasi u bë e ditur se nuk është arritur të konfirmohet lidhja me grupin terrorist.