Deputeti i Lëvizjes Vetëvendosje, Mefail Bajqinovci, ka reaguar ndaj dy nënkryetarëve të Lidhjes Demokratike të Kosovës, Gazmend Muhaxherit dhe Lutfi Hazirit.
Ai ka publikuar një fotografi të armëve të konfiskuara gjatë aksionit të Policisë së Kosovës në Zubin Potok, duke theksuar se deri tani nuk ka pasur asnjë reagim nga ana e nënkryetarëve të LDK-së.
Bajqinovci e ka quajtur të dështuar përpjekjen e tyre për të njollosur aksionet legjitime të shtetit për forcimin e rendit dhe ligjit në të gjithë territorin e Kosovës.
Postimi i plotë:
Nuk janë deklaruar ende dy nënkryetarët e LDK-së për armët e konfiskuara dje nga policia e Kosovës në Zubin Potok.
Gazmend Muhaxheri a mendon se edhe këto armë të sekuestruara dje, në veri janë vendosur nga vetë autoritetet e Kosovës, si policia dhe qeveria.
Ose edhe Lutfi Hazirin se këto armë të konfiskuara nga terroristët të krahasohen me mbledhjen e armëve dhe represionin e Rankoviqit kundër shqiptarëve.
E shihni si ju dështoj përpjekja për të njollosur aksionet legjitime të shtetit, për shtrirjen e rendit dhe ligjit në gjithë territorin e Republikës së Kosovës.
