Sulm izraelit vret shefin e inteligjencës së forcave të armatosura iraniane

Irani ka konfirmuar se shefi i njësisë së inteligjencës së Gardës Revolucionare Islamike (IRGC), Mohammad Kazemi, është vrarë, shkruan BBC.

BBC, duke iu referuar agjencisë së lajmeve Tasnim, e lidhur me IRGC-në, si dhe televizioni shtetëror iranian, raportooi se Kazemi ka humbur jetën bashkë me zëvendësin e tij, Hassan Mohaqiq, dhe komandantin Mohsen Baqeri gjatë sulmeve izraelite të dielën.

Në një intervistë për Fox News më herët, kryeministri izraelit Benjamin Netanyahu tha: “Mund t’ju them se i kemi eliminuar shefin e inteligjencës dhe zëvendësin e tij në Teheran.”