Suhareka ka shënuar fitoren e parë në Superligë pas gjashtë ndeshjeve.
Në ndeshjen e javës së 33-të, skuadra e drejtuar nga Mirel Josa e ka mposhtur në udhëtim Feronikelin ’74, me rezultat 3-1.
Verdhezinjtë e nisën shumë mirë ndeshjen, duke kaluar në epërsi qysh në minutën e gjashtë, me golin e Jakup Berisha.
Fitim Susuri, dyfishoi epërsin e Suharekës, në minutën e 29-të. Me rezultat 0-2 u mbyll pjesa e parë.
Skudra suharekase e siguroi fitoren megolin e sulmuesit Mevlan Zeka, në minutën e 57-të.
Golin e nderit për Niklin e shënoi Adonis Qorri në minutën e 73-të.
Me këtë fitore Suhareka shkon në kuotën e 36 pikëve dhe renditet në vendin e nëntë në tabelë.
Në anën tjetër, Feronikeli ’74 ka disa javë që është përshendetur nga elita e futbollit kosovar, ku sezonin e ri do të garojë në Ligën e Parë.
