Suhareka e deklason Ballkanin 5-0 në Superligën U-21

Deri sot nuk e kishin asnjë humbje, me 7 fitore e vetëm një barazim.

Por kur disfata i erdhi skuadrës deri në 21 vjet të Ballkanit, ajo doli të jetë shumë më e hidhur se sa mos arkëtimi i asnjë pike, në një ballafaqim futbollistik.

FC Suhareka i ka ‘demoluar’ rivalët e qytetit dhe liderin e “Bon Voyage Superligës U-21”, duke i mposhtur 0-5.

Edhe përkundër këtij debakli, portokall e zinjtë vazhdojnë ta kryesojnë renditjen tabelare me 22 pikë, kurse ekipi i ri therandas, mbetet në vendin e gjashtë me 12 pikë të grumbulluara.