Detyra kryesore e politikës së jashtme të Suedisë në vitet e ardhshme do të jetë mbështetja për Ukrainën, tha ministri i Jashtëm suedez, Tobias Billstrom, në një konferencë të mbrojtjes.

Më vete, Turqia duket e gatshme të ratifikojë anëtarësimin e Suedisë në NATO në javët e ardhshme, tha të shtunën sekretari amerikan i shtetit, Antony Blinken.

Suedia e bëri ofertën në vitin 2022 pas pushtimit të plotë të Ukrainës nga Rusia, por presidenti i Turqisë, Recep Tayyip Erdoğan, ngriti kundërshtime mbi atë që ai tha se ishte mbrojtja e Stokholmit për njerëzit që Ankaraja i konsideron si terroristë, raporton The Guardian.