Specialistja në fushën e sigurisë dhe informacionit, Ivana Stradner ka dal me një paralajmërim.
Ajo në platformën “X” të shtunën u shpreh se në vitin 2024 pritet një “raund i dytë” i përshkallëzimit të tensioneve në Kosovë.
Ajo shtoi se përshkallëzimi do të jetë posaçërisht në pjesën veriore të territorit kosovar që banohet kryesisht me serbë etnikë.
Stradner e rikujtoi sulmin e dhunshëm të protestuesve serbë në fund të majit të vitit të kaluar në Zveçan KFOR-it, duke paralajmëruar se përgjatë këtij viti mund të jetë përsëri një skenar i ngjashëm.
“Kjo është ajo çfarë Uashingtoni priste gjithashtu nga Serbia, por Vuçiç është përfaqësuesi i Rusisë që do vetëm paratë perëndimore, kështu që ky plan nuk do të funksionojë. Vitin e kaluar 90 paqeruajtës të NATO-s u plagosën gjatë përleshjeve me protestuesit serbë në veri të Kosovës. Në vitin 2024 pritet një raund i dytë”, paralajmëroi për herë të dytë ajo.
