Stoltenberg: Është jetike që Kongresi amerikan të miratojë ndihmën për Ukrainën

Është jetike që Kongresi Amerikan të miratojë paketën e ndihmës për Ukrainën. Kështu u shpreh shefi i NATO-s, Jens Stoltenberg në një konferencë për shtyp me Jake Sullivan.

Të pyetur për të komentuar mbi të ardhmen e gjeneralit ukrainas Valeriy Zaluzhnyi, Stoltenberg dhe Sullivan thanë se është një vendim sovran i Ukrainës zgjedhja e komandantëve të saj ushtarakë.

I pyetur se si qeveria amerikane do t’i përgjigjej intervistës së presidentit rus Vladimir Putin me gazetarin amerikan Tucker Carlson, e cila ka të ngjarë të transmetohet të enjten sipas njoftimeve në media, Sullivan tha se ai mendonte se Shtetet e Bashkuara e kanë fituar tashmë argumentin rreth mbështetjes për Ukrainën.