Shefi i NATO-s, Mark Rutte, tha se suksesi në fillim të këtij muaji i stërvitjes vjetore bërthamore të aleancës ushtarake i dha atij “besim absolut në besueshmërinë e parandalimit bërthamor” përballë kërcënimeve ruse.
“Kur Rusia përdor retorikë bërthamore të rrezikshme dhe të pamatur, popullatat tona duhet ta dinë se nuk ka nevojë për panik, sepse NATO ka një parandalues të fortë bërthamor”, u citua ai nga e përjavshmja gjermane Welt am Sonntag.
“Dhe Putini duhet ta dijë se lufta bërthamore nuk mund të fitohet kurrë dhe nuk duhet të luftohet kurrë”, tha ai, shkruan Reuters, transmeton Klankosova.tv.
Putini e ka paralajmëruar vazhdimisht Perëndimin për pasojat e mundshme bërthamore që nga pushtimi i plotë i Ukrainës nga Rusia në vitin 2022.
Muajin e kaluar ai deklaroi se Rusia mund të përdorë armë bërthamore nëse goditet me raketa konvencionale dhe se Moska do ta konsideronte çdo sulm ndaj saj të mbështetur nga një fuqi bërthamore si një sulm të përbashkët
