Kryeministri britanik, Keir Starmer i ka thënë presidentit amerikan Donald Trump se vendosja e tarifave ndaj aleatëve të NATO-s lidhur me çështjen e Grenlandës është e gabuar.
Sipas një zëdhënësi të kryeministrit të Britanisë së Madhe, Starmer ka zhvilluar një bisedë telefonike me Trump, gjatë së cilës ka theksuar se siguria në zonën e Veriut të Lartë është prioritet për të gjithë aleatët e NATO-s, në funksion të mbrojtjes së interesave euro-atlantike.
“Zbatimi i tarifave ndaj aleatëve për të ndjekur sigurinë kolektive të aleatëve të NATO-s është i gabuar”, tha Starmer, sipas zëdhënësit.
Zëdhënësi shtoi se kryeministri britanik ka zhvilluar gjithashtu biseda telefonike edhe me kryeministren e Danimarkës, Mette Frederiksen, presidenten e Komisionit Evropian, Ursula von der Leyen, si dhe sekretarin e përgjithshëm të NATO-s, Mark Rutte./BBC
