- Advertisement -
Komandanti i misionit KFOR të udhëhequr nga NATO, Gjeneral Major Özkan Ulutaş, priti Ministren e Shqipërisë për Evropën dhe Punët e Jashtme, Elisa Spiropali, në selinë e KFOR-it në Kampin Film City, në Prishtinë.
KFOR njofton se takimi u përqendrua në situatën e sigurisë në rajon dhe në angazhimin e vazhdueshëm të KFOR-it për të ruajtur një mjedis të sigurt për të gjithë njerëzit në Kosovë.
Gjenerali Ulutaş shprehu gjithashtu vlerësimin e tij të sinqertë për kontributin e vlefshëm të Shqipërisë në misionin KFOR, thuhet në njoftim.
