Kontrata reth 300 mijë euro e lidhur nga Agjencia Qendrore e Prokurimit për furnizimin me goma të dimrit nuk është përmbushur nga fituese e tenderit, raporton RTV Dukagjini.
Ndonëse drejtori i Policisë por edhe Agjencia Qendrore e Prokurimit kanë konfirmuar një gjë të tillë, kompania fituese “Eurogoma” ka mohuar gjithçka.
Afati i fundit për banorët për të pajisur makinat e tyre me goma dimërore ka skaduar më 15 mars. Por, siç raporton mediumi, Policia e Kosovës nuk e kishte bërë vet një gjë të tillë.
Respektivisht, disa vetura që përdoren nga zyrtarë policor që aktivitetin kryesisht e kanë në veri të Kosovës.
E gjithë kjo, sipas raportimit, ka ndodhur si pasojë e mospërmbushjes së detyrimeve nga kontraktori që kishte fituar tender për këtë.
Agjencia Qendrore e Prokurimit përgjegjëse e ka lënë Policinë e Kosovës.
“Jemi të informuar për disa vonesa por që deri më tani nuk kemi pranuar kërkesë nga institucionet që shfrytëzojnë këto kontrata për shkëputje te kontratës apo marrjen e ndonjë mase tjetër siç parashihen në kushtet e veçanta të kontratës”, tha Agjencia Qendrore e Prokurimit.
