Sot në Prishtinë mbahet Parada e Krenarisë

Nën moton “T’du qashtu qysh je”, sot në Prishtinë do të mbahet Parada e Krenarisë.

Parada e organizuar nga komunitetit LGBTI, do të mbahet në Sheshin “Skënderbeu” në orën 17.

Java e Krenarisë për këtë vit ka nisur më 5 qershor. Kjo javë është manifestuar me aktivitete të ndryshme të komunitetit LGBTI.

Tash e disa vite në Kosovë organizohet kjo paradë, e cila mbështet edhe nga liderët institucionalë.

Për herë të parë kjo paradë në Prishtinë është mbajtur në tetor të 2017-ës.