Sot i jepet lamtumira e fundit Liam Payne

09:41 | 20/11/2024

- Advertisement -

Artisti i njohur britanik, Liam Payne, do të përcillet në banesën e fundit sot.

Funerali do të organizohet në një ceremoni private ku do të marrin pjesë familjarë të ish-artistit dhe miqtë e tij më të afërt, shkruan indeksinline.

Në ceremoninë mortore është njoftuar pjesëmarrja edhe e ish-shokëve të grupit One Direction, Zayn, Harry, Louis dhe Niall.

Ylli i muzikës vdiq në moshën 31-vjeçare, pasi ra nga ballkoni i hotelit ku po qëndronte në Buenos Aires të Argjentinës. Incidenti fatal ndodhi më 16 tetor.

Trupi i të ndjerit u soll në Britani të Madhe dy javë më parë, pas ekzaminimeve të shumta nga autoritetet argjentinase.

Payne kishte udhëtuar në Argjentinë në shtator për të rinovuar vizën e tij për të jetuar në SHBA, si dhe për të parë shokun e tij, Niall Horan, duke performuar.