- Advertisement -
Shumica e amerikanëve, përfshirë votuesit si në partinë Demokratike ashtu edhe në atë Republikane, besojnë se vaksinat janë të sigurta dhe se fëmijët duhet t’i marrin ato në mënyrë që të ndjekin shkollën, sipas një sondazhi të ri, të publikuar nga mediat amerikane.
Sipas një ankete të kryer nga 19 deri më 24 shkurt me 4,638 të rritur në SHBA, 84 për qind e të anketuarve besojnë se vaksinat kundër sëmundjeve të tilla si fruthi, shytat dhe rubeola janë të sigurta, përfshirë 92 për qind të demokratëve dhe 81 për qind të republikanëve.
Gjithashtu, 74 për qind e të anketuarve besojnë se qeveria duhet të kërkojë vaksinimin e fëmijëve të shëndetshëm për shkollim, ndërsa 23 për qind besojnë se fëmijët e pavaksinuar duhet të pranohen në shkolla.
