Aktorja e njohur Sofia Vergara, 52 vjeçe, ka ndezur rrjetin me disa fotografi provokuese të publikuara në Instagram, duke sugjeruar se është “single dhe gati për një fillim të ri”.
Ylli kolumbian u shfaq ‘topless’, e veshur vetëm me pantallona bikini tanga, ndërsa pozonte në një kolltuk elegant dhe në plazhet tropikale të Karaibeve.
Fotografitë, që nxirrnin në pah format e saj mahnitëse, u shoqëruan me mungesën e dukshme të partnerit të saj, kirurgu Justin Saliman, me të cilin dyshohet se është ndarë në fillim të vjeshtës, shkruan DailyMail.
Kjo ndarje duket se ka marrë formë përfundimtare, pasi Sofia nuk e ka përfshirë atë në udhëtimet e saj të fundit, siç kishte bërë më parë.
Aktorja e serialit të famshëm “Modern Family” ka kaluar pushime luksoze në vilën e saj, të njohur si “Casa Chipi Chipi”, ku shoqërohej nga miq të afërt, duke lënë pas ngutin dhe stresin e jetës në Los Angeles.
Me stilin e saj të veçantë dhe pamjen mahnitëse, Vergara ka treguar se jeta pas një ndarjeje mund të jetë po aq e bukur dhe plot energji pozitive.
