Sofia Richie u shfaq me elegancë në Vogue World 2025 në Los Angeles, duke treguar barkun e saj shtatzënë për fëmijën e dytë, dhe duke u shoqëruar nga bashkëshorti Elliot Grainge.
Ylli 27-vjeçar veshi një pallto të gjatë blu Tommy Hilfiger, xhinse të çelët dhe këpucë të zeza, ndërsa flokët bjonde i mbajti të kapura pas.
Grimi i saj përfshinte rimel, skuqje të ngrohtë dhe buzë rozë mat, duke i dhënë pamjes një shkëlqim natyral, shkruan DailyMail.
Eventi i mbushur me yje u zhvillua në Paramount Pictures, ku personalitete të njohura si Kendall Jenner, Nicole Kidman dhe Angela Bassett ndoqën sfilatën kryesore.
Sofia e shfrytëzoi rastin edhe për të promovuar linjën e saj të modës SRG Atelier, e lançuar më 16 tetor, duke bërë një selfie para pasqyrës për ndjekësit e saj në Instagram.
Ky moment vjen dy javë pas konfirmimit të shtatzënisë së saj, ndërsa Sofia dhe Elliot janë tashmë prindër të vajzës Eloise, 1-vjeçare.
Në një intervistë të mëparshme, Sofia ka folur hapur për sfidat pas lindjes, duke përfshirë një periudhë të vështirë me trajtimet mjekësore.
Çifti i martuar në prill 2023 në Francë vazhdon të kombinojë jetën e familjes me karrierën, ndërsa Sofia shfaqet e sigurt dhe e rehatshme me stilin e saj personal.
