- Advertisement -
Trajner i Liverpoolit, Arne Slot, ka thënë sërish fjalë të mëdha për Mohammed Salahun i cili po shkëlqen sivjet.
Ai mbrëmë realizoi dy gola dhe dy asistime në fitoren 3:6 ndaj Tottenham Hotspurs.
“Mendoj që Moja e tregon atë që e ka treguar për shumë vite te Liverpooli. Që ai mund të shënojë gola kurdo dhe ndaj secilit ekip, dhe që ekipi vetëm duhet t’i shërbejë në këto pozicione ku ai ishte sot ku mund të shënojë dhe asistojë shumë herë”, ka thënë Sloti.
“Ai e kupton se çfarë nevojitet për të qenë në këtë nivel çdo tri ditë dhe po punon shumë fort për këtë. Kjo më impresionon mua që një top lojtar si ai, e kupton se sa zellshëm duhet të punojë për cilësinë të cilën e shfaq”.
