Profesori universitar Milazim Krasniqi ka folur për një skenar të erret ndaj shtetit të Kosovës, i cili do të fillonte të zbatohej nëse dënohen ish-krerët e UÇK-së në Hagë.
Ai ka bërë me dije se dënimi i ish-krerëve të UÇK-së do të inkriminonte edhe NATO-n.
Në profilin e tij në “Facebook”, Krasniqi ka dhënë detaje për efektet që do të shkaktonte dënimi i Hashim Thaçit dhe të tjerëve.
“SKENARI I ERRËT SE SI MUND TË ZHBËHET SHTETI YNË/ Nëse zhvlerësohet pesha shtetndërtuese e UÇK-së, nëse dënohen drejtuesit e saj, pashmangshëm në atë pako do të inkriminohet edhe NAT0, për lidhjet e saj me UÇK-në dhe për bombardimet kundër Jugosllavisë. Në atë rast, NATO do të gjendej nën breshërinë e sulmeve të opinionit publik dhe të distancimit prej saj të qeverive populiste të shteteve anëtarë të NATO-s. Pë pasojë, NATO do të shtrëngohej të rishikonte/suprimonte Marrëveshjen Ushtarake-Teknike të Kumanovës, e cila i ka detyruar forcat serbe të largohen nga Kosova. Pas një veprimi të atillë, në K.S. të OKB-së do të kërkohej të bëhej riafirmimi i rezolutës 1244, ku Kosova trajtohet si pjesë e ish Jugosllavisë. Rrjedhimisht, me atë gjë do të bëhej edhe hapja e procesit të kontrolluar të rikthimit të personelit të ushtrisë serbe në pikat kufitare të Kosovës, siç parashihte rezoluta 1244. Ky do të ishte fillimi i shpërbërjes së Kosovës si shtet”, ka shkruar Krasniqi.
