Ndërsa Ronaldo tashmë e ka pranuar se ky do të jetë EURO i tij i fundit, nuk është ende e qartë nëse ai ka ndërmend të pensionohet deri në Kupën e Botës 2026. Megjithatë, sipas mendimit të Ferguson, Ronaldo do të kishte vështirësi për të bërë një ndikim në atë turne ndaj kërkesave në rritje që do t’i viheshin trupit të tij 41-vjeçar.
Ka qenë një garë e vështirë për Ronaldon e Portugalisë, i cili ka qarë, ka bërtitur dhe, më e rëndësishmja, nuk ka arritur të shënojë rrugës për në çerekfinale. Mundësia erdhi në ndeshjen e 1/8 së finales kundër Sllovenisë, në të cilën Ronaldo në dukje injoroi të gjithë elementët e futbollit ekipor duke tentuar të çonte në epërsi Portugalinë, të gjitha këto përfunduan me humbjen e një penalltie dhe duke kërkuar falje për tifozët e Portugalisë.
Ferguson, i cili ndihmoi në formimin e Ronaldos në një superyll te United, nuk beson se sulmuesi do të jetë në gjendje të luajë në nivelin më të lartë të kërkuar në Botërorin e ardhshëm.
Kur u pyet nëse pret të shohë Ronaldon në turne, Ferguson për SportBild, tha: “Nuk mund ta imagjinoj këtë. Futbolli do të bëhet edhe më i shpejtë dhe më atletik në vitet e ardhshme. Përveç kësaj, hapësira për sulmuesit qendrorë do të bëhet gjithnjë e më e vogël. Në ndryshim nga mbrojtësit, është më e vështirë për sulmuesit të luajnë në nivelin më të lartë kur janë më në moshë”.
Ferguson, megjithatë, shtoi se ai e konsideron Ronaldon si “një nga lojtarët më të mëdhenj të të gjitha kohërave” dhe nuk beson se ka asgjë më shumë për të provuar. “Një ose dy tituj të tjerë nuk do të kishin shumë rëndësi për të”, tha ish-trajneri i Unitedit. “Sepse ai ka pasur një karrierë unike”.
Franca pret skuadrën e Roberto Martinez në një ndeshje çerekfinale të premten, me vetëm dy fitore larg lavdisë evropiane. Ronaldo do të jetë i vendosur t’i heshtë ata që bëjnë thirrje që ai të jetë në banë kur të ndeshet me Mbappen dhe yjet tjerë francezë.
