Kryetarja e komunës së Preshevës, Ardita Sinani, ka paralajmëruar planet për një protestë në shtator, me qëllim trajtimin e çështjeve të vazhdueshme të diskriminimit dhe padrejtësivd në Luginën e Preshevës.
Në një postim në Facebook, Sinani nënvizoi arsyet kryesore të protestës, të cilat përfshijnë kundërshtimin e pasivimit të adresave, avokimin për njohjen e diplomave, krijimin e mundësive të punësimit dhe sigurimin e aksesit të barabartë në institucione për të gjithë.
Ajo theksoi rëndësinë e zbatimit të marrëveshjeve të nënshkruara dhe garantimit që shteti të përmbushë detyrimet e tij ndaj popullsisë shqiptare në rajon. Sinani gjithashtu bëri thirrje për përfaqësim të drejtë në institucionet vendore, duke përfshirë themelimin e një gjykate në Preshevë.
