Simeone i Atleticos u sulmua nga tifozët e Manchesterit, pas përfundimit të ndeshjes në “Old Trafford” (Video)

Trajneri i Atletico Madridit, Diego Simeone, është sulmuar nga tifozët e Manchester Unitedit gjatë daljes së tij nga stadiumi “Old Trafford”.

Skuadra spanjolle sonte mposhti “Djajtë e Kuq” me rezultatin 0:1, duke siguruar kalimin për në çerekfinale të Ligës së Kampionëve.

Simeone bëri një vrapim të shpejtë drejt daljes sapo u dëgjua fishkëllima e fundit nga gjyqtari, veprim të cilin argjentinasi e ka të zakonshëm tashmë.

Mirëpo, gjatë vrapimit drejt tunelit, trajneri i Atletico Madridit u vu në shënjestër nga një pjesë e tifozëve anglezë, të cilët hedhën shishe në drejtim të tij.

Diego Simeone nuk ndaloi për të reaguar dhe e vazhdoi rrugën e tij.