Sulmuesi Ruben Silva-Richards është shpallur futbollisti më i mirë i xhiros së fundit në Superligën e Kosovës.
Federata e Futbollit të Kosovës (FFK), të martën ka bërë të ditur se kanadezi Silva-Richards është shpallur “Ylli i Javës” për xhiron e 21-të.
Në fakt, Silva-Richards ishte fantastik në ndeshjen e fundit të Ferizajt, duke ia siguruar fitoren përballë skuadrës së Ballkanit.
22-vjeçari shënoi dy golat në triumfin 2:1 të Ferizajt, duke bërë që Komisioni i Veteranëve të Futbollit, ta vlerësojë si më të mirin e javës.
Vet Silva-Richards është shprehur tejet i lumtur që u vlerësua si lojtari më i mirë i xhiros, por shtoi se çmimin ia dedikon kapitenit Mexhit Neziri.
Sulmuesi kanadez, gjithashtu përmendi edhe faktin se pa angazhimin e lojtarëve të tjerë të ekipit, nuk do të ishte i mundur të shënonte golat për fitoren e madhe kundër Ballkanit.
