Megjithatë, ta ruash atë pamje të pastër nuk është gjithmonë e lehtë, pavarësisht se sa shpesh i lani, grimcat e imëta të papastërtisë futen në palosjet që krijohen gjatë përdorimit.
Një truk i ri, shumë praktik, që mund ta përdorni për atlete të çdo ngjyre, është që bashkë me to të fusni në kazanin e rrobalarëse edhe një qese plastike më të madhe (p.sh. një qese të trashë të blerjeve).
Sipas amvisave me përvojë, kontakti i atleteve me qesen gjatë rrotullimit të kazanit ndihmon që papastërtia më e imët të shkëputet më lehtë, ndërsa zvogëlon rrezikun që atletet të gërvishten apo të dëmtohen.
Çfarë duhet të bëni para larjes
Pastroni paraprakisht: Hiqni papastërtitë më të mëdha nga tabani dhe pjesa e jashtme me një furçë të butë ose leckë të lagur.
Hiqni lidhëset: Lidhëset lani veçmas, mundësisht të futura në një qese të vogël rrjete ose thes të posaçëm për veshje delikate.
Përdorni pastrues të posaçëm: Shumë i lyejnë atletet me pastë dhëmbësh para se t’i fusin në makinë – kjo ndihmon për të bardhur më shumë. Ju mund të përdorni edhe detergjent të butë për rroba, ose një solucion natyral me sodë buke dhe uthull.
Zgjidhni programin e duhur: Përdorni larje me ujë të ftohtë ose të vakët dhe program të butë për rroba të ndjeshme. Shmangni centrifugimin e fortë, transmeton telegrafi.
Këshilla shtesë
▪ Për të mbrojtur format e atleteve, mund t’i vendosni brenda një çante rrjete ose një jastëkë të vjetër.
▪ Mos përdorni tharësen e rrobalarëse – lërini të thahen natyrshëm në një vend me ajrim të mirë, larg rrezeve direkte të diellit që mund t’i zverdhi.
▪ Për erë më të freskët, mund të shtoni disa pika vaj esencial (si mente ose limon) në detergjent.
▪ Nëse atletet janë shumë të ndotura, njomini paraprakisht në ujë me pak detergjent për disa orë para larjes.
▪ Me këto këshilla të thjeshta, atletet tuaja do të duken të pastra dhe të freskëta për më gjatë!
