Bora Zemani është tashmë kryefjala e mediave rozë. Çdo postim që ajo bën, merr gjithmonë vëmendje. Që ditën që u fut në “Big Brother” dhe shkëmbeu puthjen e famshme me Donaldin, publiku fitoi edhe më shumë simpati për moderatoren e “Përputhen”.
Ndonëse më pas historia e saj e dashurisë nuk shkoi edhe aq mirë, karriera e saj është në pikën më të lartë. Teksa humbi Donaldin brenda shtëpisë së “Big Brother”, Bora fitoi mijëra ndjekës, duke pasur shumë më shumë se 1 milion të tillë.
Bëhet me dije se edhe pagesat në “Instagram”-in e saj janë rritur. Aktualisht, ajo është ndër më të paguarat në rrjetet sociale, ku shifrat për një postim janë marramendëse.
Ndaj ajo ka ditur ta përdorë këtë moment edhe për biznesin e saj. Prej kohësh, ajo ka një markë të vetën për veshje, që muajit e fundit është bërë edhe më popullore. Ndërkohë që rrjetet sociale “vlojnë” nga trinomi i dashurisë mes saj, Donaldit dhe Beatrix, ajo jo vetëm është shfaqur e pashqetësuar nga aktualiteti, por duket se ka ditur ta përdor në favor të sajin.
Ajo ka tërhequr vëmendje me paraqitjen e saj teksa tregon dukjen e thjesht në përditshmëri. Por mes rreshtave ajo paralajmëron edhe të rejat që duhet të presim nga ajo në pranverë.
“Erdhi pranvera fmi…”, ka shkruar Bora krahas fotove. Me aq sa kemi mundur të mësojmë, në fund të muajit tjetër, prezantuesja do të zgjerojë brandin e saj, duke ardhur edhe në një dimension tjetër.
Në rrjetet e saj sociale, ajo ka preferuar të heshtë për gjithë historinë me Donaldin, duke marrë nga kjo situatë vetëm famën. Në “Instagram”-in e saj janë shtuar bashkëpunimet si dhe postimet rreth punës së saj si moderatore.
Megjithatë, Bora ka lënë të gjitha komentet në lidhje me Donaldin, ku kryesisht fansat kërkojnë një ribashkim të çiftit
