Kandidati i Partisë Demokratike të Kosovës për kryetar të Lipjanit, Shukri Buja, ka thënë se në këtë komunë ka ‘‘shumë probleme’’ por se i kanë ‘’për të gjitha zgjidhjet’’.
Ai ka thënë se një nga çështjet problematike në Lipjan është çështja e integrimit të qytetit. Ai ka thënë se ka qenë me një ndarje qyteti, kurse ndarja e dytë është nga pushteti i tanishëm me nënkalim ku siç ka thënë Buja është prishur rruga me katër korsi. Kjo e fundit ka thënë buja e ka deformua sheshin ‘’Adem Jashari’’.
Buja ka thënë ”edhe Magurja e ka problemin me ujin”, si një nga fshatrat që përballen me këtë problematikë.
Tjetër problematikë për të cilën ai ka folur në Lipjan, Buja ka thënë se është edhe rrjeti i ujërave të zeza.
”Nga viti 2010 është planifikuar që të jetë me dy deri në tre ramja e saj deri në Lumin Sitnica, në mënyrë që nga Lumi Sitnica deri në Fushë Kosovë të bartet ujërat e zeza, dhe në Fushë Kosovë ka qenë e planifikuar që Prishtina, Fushë Kosova, Obiliqi, Podujeva dhe Lipjani të jenë pjesë e këtij projekti në atë kohë ishte me BE-në, por për çudinë tonë, mosinteresimi i këtij ekzekutivi, para 10 dite është nënshkruar marrëveshje ku Lipjani nuk figuron”, ka thënë ai.
‘‘Në mandatin e parë e kam marrë komunën me 900 mijë euro buxhet për investime kapitale, ndërsa e kam përfunduar gjashtë vjetshin me 62 milionë euro. Dhe kjo ka qenë falënderuar menaxhimit të mirë në Komunë. Tani është situatë krejt tjetër’’, ka thënë Buja ndër tjerash.
