Kandidati i PDK-së, për kryetar të komunës së Lipjanit, Shukri Buja ka premtuar se do të sjell risi në infrastrukturën e kësaj komune, ku do t’i jep fund kaosit në trafik.
“Qyteti i Lipjanit është vazhdimisht në rritje dhe ka nevojë për zgjidhje afatgjata në trafik.🚗
Prandaj nisëm projektin për zgjerimin e rrugëve kryesore me 4 korsi, me shtigje për biçikleta dhe trotuare për këmbësorët.
Fatkeqësisht, qeverisja aktuale e ndryshoi projektin:
nga katër korsi në vetëm tri, duke sjellë kaos trafiku dhe bllokim të kryqëzimeve”, tha ai
Buja gjithashtu tha se do ta përfundojë projektin ashtu siç ishte planifikuar:
– Katër korsi të plota për qarkullim,
– Dy rrethrrotullime funksionale për lehtësimin e pengesave,
– Vazhdimin e rrugës Qamil Olluri deri te rruga Sadik Shala, që do të shkarkojë qendrën nga trafiku i rënduar.
“Ky nuk është vetëm një projekt rruge.
Është ndërtim i një të ardhme më të mirë për Lipjanin, një qytet me lëvizje më të lirë, me ajër më të pastër dhe më pak stres për qytetarët.
Mos u kënaqni me zgjidhje të pjesshme.
Bashkohuni me ne për një Lipjan që funksionon për të gjithë.🤝”, deklaroi Buja.
