- Advertisement -
Ish-komandanti i UÇK-së, Shukri Buja, po dëshmon në Dhomat e Specializuara të Hagës në rastin e ish-krerëve të UÇK-së.
Në fillim të dëshmisë, Buja ka thënë se është ftuar në këtë proces edhe si dëshmitar edhe si i dyshuar.
”Në vitin 2019 nga ZPS-ja, isha i ftuar në intervistim pa e ditur statusin tim si i dyshuar apo dëshmitar. Pas insistimit të avokatëve të mi përfundimisht m’u tregua se jam vetëm si i dyshuar. Prokuroria Speciale nuk më ka informuar për akuzat që kishin ndaj meje dhe nuk kanë informuar as avokatët e mi, përkundër kërkesave të shumta nga ekipi im ligjor”, ka thënë ai në fillim të dëshmisë së tij në Hagë.
Ndërkaq, ai ka thënë se gjatë intervistimit kishte shfrytëzuar të drejtën e tij për t’u mbrojtur në heshtje.
