Sindikata e Re e KEK-ut ka njoftuar se protesta e paraparë për datën 27 është shtyrë për datën 28.
Sipas kësaj sindikate, gjatë bisedimeve dhe negociatave me menaxhmentin e KEK-ut, është përfituar nga një vazhdim i dialogut për kërkesat për rritjen e nivelit të pagave.
“Ky është një hap i rëndësishëm drejt arritjes së qëllimeve tona për një kompensim më të drejtë dhe të barabartë për punën tonë. Ne vazhdojmë të përkushtohemi për përmbushjen e kërkesave tona dhe presim që në ditët në vijim të gjejmë një zgjidhje të pranueshme për të gjithë palët përfshirëse”, thuhet në njoftimin e kësaj sindikate.
Njoftimi i plotë i Sindikatës:
Të nderuar kolegë në KEK,
Duke ju informuar për zhvillimet e fundit në lidhje me kërkesat tona për ngritje të pagave, dëshirojmë të ju njoftojmë se protesta e paraparë për datën 27.12.2023 është shtyrur për datën 28.12.2023 në kohën e njejtë dhe vendin e njejtë.
Gjatë bisedimeve dhe negociatave me menaxhmentin e KEK-ut, kemi përfituar nga një vazhdim i dialogut për kërkesat tona për rritjen e nivelit të pagave. Kjo është një hap i rëndësishëm drejt arritjes së qëllimeve tona për një kompensim më të drejtë dhe të barabartë për punën tonë.
Ne vazhdojmë të përkushtohemi për përmbushjen e kërkesave tona dhe presim që në ditët në vijim të gjejmë një zgjidhje të pranueshme për të gjithë palët përfshirëse.
Ju inkurajojmë të vazhdoni mbështetjen tuaj, sepse bashkësia jonë është forca jonë kryesore në këto negociata. Përpjekjet tona për të siguruar një nivel të drejtë të pagave duhet të mbështeten nga të gjithë ne.
Faleminderit për përkushtimin tuaj në këtë çështje të rëndësishme. Vazhdojmë të punojmë në mënyrë konstruktive për të arritur qëllimet tona për një mjedis pune më të mirë dhe për një kompensim më të mirë për të gjithë ne.
Me respekt, Sindikata e Re e KEK-ut
