Zyra e Rregullatorit të Energjisë ka ftuar mediat në takim për të hënën e shtatë prillit, kjo për të diskutuar rreth vendimit që pritet të shtrenjtojë energjinë elektrike.
Në një email dërguar mediave, thuhet:
“Në vazhdim, ZRRE-ja shpreh gatishmërinë e saj për të zhvilluar një takim me mediat, me qëllim të diskutimit të çështjeve kryesore të këtij procesi dhe për të adresuar çështjet që janë me interes të përbashkët. Takimi do të jetë mundësi për shkëmbimin e mendimeve dhe për të thelluar kuptimin mbi rëndësinë dhe ndikimin e këtij procesi.
Për arsye të kufizimit të hapësirave, kërkohet që secili medium të dërgojë një përfaqësues për të marrë pjesë në takim”.
Takimi nis nga ora 10:00, derisa ZRRE ka thënë se nuk lejohet incizimi me zë apo kamerë.
“Takimi do të mbahet me datë 07.04.2025 (e hëne), në orën 10:00, në zyrat e ZRRE-së, dhe inqizimi me kamerë do të lejohet vetëm në dhjetë minutshin e parë, pastaj do të vazhdohet me diskutimin e planifikuar. Gjatë diskutimit nuk lejohet inqizimi me zë apo kamerë”
