Shtëpia Europës e krijuar me vizatimet e fëmijëve, pamjet nga Tirana ku do të mblidhen liderët europianë

Kryeministri shqiptar, Edi Rama, sot do të jetë nikoqir i liderëve të Europës, të cilët mblidhen sot në Tiranë për samitin e Komunitetit Politik Europian.

Rama ka ndarë pamje nga Shtëpia e Europës ku do të priten liderët, e cila është dekoruar me vizatimet e fëmijëve shqiptarë.

“MIRËMËNGJES dhe me Shtëpinë e Europës, krijuar me vizatimet e fëmijëve të Shqipërisë, ku sot ka zbritur e gjithë Europa e ku do të mbajë sytë e gjithë bota, ju uroj një ditë të mbarë”, ka shkruar Rama në Facebook.