Lufta në Ukrainë është një “katastrofë strategjike për Rusinë” dhe një “dështim strategjik për Putinin”, tha zëdhënësja e Shtëpisë së Bardhë, Kate Bedingfield.
Ajo tha se tani ka “dëshmi të pakundërshtueshme” se lufta, e cila ka filluar para më shumë se një muaji, nuk ka arritur atë që dëshironte presidenti rus Vladimir Putin, prandaj Kremlini po përpiqet të “ripërcaktojë” qëllimet fillestare.
“Sanksionet e aplikuara po i shkaktojnë një dëm ekstreme ekonomisë ruse,” tha Bedingfield, e cila paralajmëroi sanksione shtesë ndaj kompanive ruse të teknologjisë “të cilat mundësuan luftën e Putinit”.
Ne do t’i parandalojmë ata të blejnë teknologji perëndimore dhe përpjekjet e tyre për të shmangur sanksionet e rënda. Ne gjithashtu do t’i shtrijmë sanksionet në sektorë shtesë të ekonomisë ruse që janë të rëndësishëm për Putinin, duke përfshirë ajrin, detin dhe elektronikën,” shtoi ajo.
