Së shpejti Shqipëria do të hapë Grupkapitullin 4 të negociatave me Bashkimin Evropian, një etapë shumë e rëndësishme për t’iu bashkuar familjes së madhe evropiane.

Pas marrjes së dritës jeshile të hapit të radhë, Kryeministri Edi Rama, përmes një postimi në rrjetet sociale, shkruan se ky vendim i vendeve anëtare të BE konfirmon përgatitjen dhe progresin konkret të Shqipëris në rrugën drejt familjes europiane.

Postimi i Ramës:

SHQIPËRIA NUK NDALET

Një tjetër hap i rëndësishëm drejt anëtarësimit në BE

Sot, më 11 qershor 2025, Shqipëria mori dritën jeshile për hapjen e negociatave për Grupkapitullin 4 – “Agjenda e Gjelbër dhe Ndërlidhja e Qëndrueshme”.

Ky vendim i vendeve anëtare të BE konfirmon përgatitjen tonë dhe progresin konkret në rrugën drejt familjes europiane.

Kapitujt përfshijnë:

  • Politikat e transportit (Kapitulli 14),
  • Energjia (Kapitulli 15),
  • Rrjetet trans-europiane (Kapitulli 21),
  • Mjedisi dhe klima (Kapitulli 27).

Ky është një hap tjetër drejt Shqipërisë 2030, vend krenar i Bashkimit Europian