Mauro Icardi dhe Wanda Nara vijojnë që të jenë në qendër të vëmendjes për shkak të divorcit të tyre dhe akuzave të forta që hedhin kundrejt njëri-tjetrit.
Mediat në Argjentinë publikojnë herë pas here biseda private të rrjedhura nga palët, sipas interesave të tyre me qëllimin për t’i bërë palës tjetër të duket keq. Dhe çfarë është më e keqja, dy vajzat e çiftit duket se janë totalisht në mes të kësaj mosmarrëveshjeje.
Bisedat e fundit që kanë dalë në dritë tregojnë debatet e shkëmbyera në telefonatat me njëri-tjetrin. Programi ‘Intrusos’ publikoi zemërimin e modeles pasi futbollisti i famshëm nuk shkoi në ditëlindjen e vajzës së saj.
“Çfarë mendon se janë këto marrëzi për vajzat e mia? Ata nuk mund të trajtohen kurrë sikur s’janë asgjë. Ti martohesh, ke fëmijë… për vajzat tona, fëmijët e saj do të jenë vajzat e prostitutës që ua shkatërroi familjen”, tha Wanda, duke iu referuar China Suarez, partneres së re të Icardit.
“Ajo shkoi në tualet duke qarë sepse ti i the se nuk do të vish nesër. Nëse nuk do të vish, thuaju: ‘Nuk po shkoj, kam një familje tjetër’ dhe kaq. Preferoj që ti të zhdukesh, ose të qëllosh veten në kokë dhe kaq, dhe të ndalosh së prishur jetën e tyre çdo ditë, duke ia shkatërruar atë”.
